Masa mjaft të ngrohta ajrore me origjinë Afrikane do të depërtojnë në drejtim të rajonit tonë gjatë kësaj jave duke shkaktuar ngritje të theksuara të temperaturave.
Pra duke filluar nga sot, do ta kuptojmë se stina e nxehtë e verës është shumë afër. Gjatë kësaj jave vetëm dita e nesërme (e martë) mund të jetë e freskët.
Përpos nxehtësisë, karakteristika tjera të kushteve sinoptike për këtë javë do të jenë edhe mungesa e të reshurave atmosferike dhe erërat herë pas here të fuqishme nga jugu dhe jugperëndimi, e rrallëherë nga veriperëndimi.
Reshjet atmosferike do të jenë të rralla dhe të izoluara.
Pas freskimit afatshkurtër të motit që pritet nesër nga e mërkura masat e ngrohta ajrore me origjinë nga Afrika Veriore do të fuqizohen, ndërsa kulminacionin pritet të arrijnë afërsisht ditën e premte kur temperaturat maksimale mund të shënojnë 34 gradë Celsius. Gjithashtu edhe erërat nga mesi i javës e tutje do të jenë më të dobëta
Pra para nesh është një javë mjaft e nxehtë, me temperatura tropikale, erëra herë pas here të fuqishme jugore, reshje të rralla dhe izoluara shiu, pra kemi të bëjmë me një javë tipike verore sidomos nga e mërkura e tutje.
Ishte ky parashikim i motit për javën që kemi hyrë me disa fjali të shkurtra dhe nëse eventualisht kemi ndonjë ndryshim në parashikim ne do tu njoftojmë në postimet tona të përditshme./Meteoballkan
