Nesër në Kosovë pritet stabilizim gradual i motit. Mëngjesi do të jetë mjaft i ftohtë dhe me mundësi për ngrica sipërfaqësore sidomos në ato zona ku të ketë kthjellime. Dita vijon me diell dhe vranësira lokale si dhe me erëra të freskëta nga veriu e verilindja.
Temperaturat në disa zona mund të zbresin deri në 0 gradë Celsius pak para agimit, kurse maksimalja pritet të arrijë deri në 15 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Në pjesën më të madhe të rajonit do të mbajë mot kryesisht me diell. Vranësira priten më shumë në juglindje të Shqipërisë dhe pjesë të Maqedonisë së Veriut edhe ato në tërheqje e sipër.
Të Premten na pret mot kryesisht me diell, por në Kosovë priten më shumë vranësira lokale. Temperaturat në rritje të lehta në Kosovë.
Fundjava vjen me diell dhe vranësira lokale e kalimtare. Temperaturat do të shënojnë rritje të ndjeshme sidomos të dielën ku pritet të arrijë deri në 24 gradë Celsius edhe në Kosovë./MeteoBallkan
