Dita e djeshme ishte më e nxehta deri më tani në Kosovë dhe rajon, e cila u karakterizua edhe me erëra mjaft të fuqishme nga jugu dhe jugperëndimi.
Sot moti është shumë më i qetë, por më i freskët, edhe pse ende jemi nën ndikimin e masave të nxehta ajrore me origjinë nga Afrika Veriore. Kjo për shkak të mungesës së erërave të nxehta dhe gjithashtu pengimi i rrezeve diellore nga vranësirat e shtresave të larta atmosferike, vranësira këto të cilat nuk po sjellin reshje atmosferike dhe që na vijnë nga cikloni me qendër në Mesdheun perëndimor.
Edhe sot kemi koncentrime të pluhurit Saharian sepse rrymimet ajrore në shtresat e larta të atmosferës tek ne janë nga jugperëndimi, pra nga Afrika Veriore përmes Italisë në drejtim të Gadishullit Ballkanik dhe Evropes.
Mot i ngjashem do të mbaje edhe neser dhe pasneser, por pak më i nxehtë, kurse nga e marta në mbrëmje do të ketë gjasa të volitshme për rrebeshe të fuqishme lokale shiu me vetëtima dhe bubullimë./Meteoballkan