Pas valës së parë të nxehtësisë afrikane këtë sezonë siç duket nga e marta pasdite do të na vije freskimi i motit.
Gjithashtu priten edhe zhvillime të fuqishme të vranësirave konvektive të cilat do të na sjellin rrebeshe lokale shiu me vetëtima dhe bubullimë.
Pasi që jemi në sezonën e nxehtë reshjet nuk do të jenë të barazpeshuara. Në disa lokacione mund të ketë rrebeshe të fuqishme, kurse në lokacione tjera vetëm ndonjë rigë.
Sidoqoftë, freskimi i motit po vije nga e marta në mbrëmje dhe kjo do të shoqërohet edhe me zhvillime të vranësirave vertikale dhe rrebeshe lokale shiu me vetëtima dhe bubullimë.
Të mërkurën na pret mot mjaft i freskët dhe me reshje shiu si dhe me rrebeshe lokale shiu me vetëtima dhe bubullimë.
Nga e premta përsëri pritet stabilizim i motit dhe ngritje e temperaturave dhe në këtë mënyrë vikendi i ardhshëm do të jetë me mot të këndshëm dhe me diell./Meteoballkan
