Vala e parë tropikale e cila përfshiu rajonin tonë gradualisht po i vije fundi dhe po hymë në një periudhë kohore me mot më të freskët dhe të paqëndrueshëm.
Megjithatë temperaturat do të ulën gradualisht këto dy tre ditët e para të javës edhe pse jo stabile do të jenë mjaft të nxehta herë pas here për shkak të lagështisë së ajrit. Pra, kemi të bëjmë me një situatë tipike pranverore dhe verore kur ndjesia e nxehtësisë është e lartë kur rrebeshet janë afër.
Sot po mbanë mot pak më i freskët se dje, kurse nesër pasdite pritet destabilizim gradual i motit, pasi që do të kemi depërtimin e një cikloni të shtresave të larta atmosferike nga Mesdheu i cili do të shkaktojë destabilizim të fuqishëm të motit sidomos në disa rajone. Të gjithë e dimë natyrën e reshjeve të sezonës së nxehtë. Një rajon mund të përmbytet nga rrebeshi, kurse rajoni tjetër shumë afër mund të përfitojë vetëm ndonjë rigë dhe kjo mund të ndodhë ditëve të ardhshme. Modelet nuk mund të përcaktojnë me saktësi 100% se ku mund të ndodhë rrebeshi ose jo.
Pra nga e marta vonë do të kemi destabilizim gradual të motit në tërë rajonin. Priten rrebeshe lokalisht të fuqishme shiu me vetëtima, bubullimë si dhe mundësi edhe për breshër. Vetëtimat dhe bubullimat mund të vazhdojnë edhe gjatë natës dhe të mërkurën herë pas here dhe vende-vende. Para rrebesheve si dhe mes rrebesheve të shiut mund të kemi intervale kohore me diell dhe temperatura të larta. Në momente të caktuara vende-vende mund të ketë edhe zhvillime të bujshme atmosferike si : vetëtima dhe bubullima masive, erëra të stuhishme apo shtrëngata të fuqishme si dhe breshër.
Të enjtën priten ulje të ndjeshme të temperaturave dhe vende-vende do të ketë edhe reshje shiu në Kosovë, kurse në Shqipëri dhe Maqedoninë Veriore priten edhe rrebeshe shiu me vetëtima dhe bubullimë të shoqëruara me erëra veriore.
Nga e premta dhe për fundjavë na pret mot pak më i qëndrueshëm, i freskët dhe me alternime vranësirash dhe intervaleve kohore me diell./Meteoballkan
Grafics: Wxcharts.com