Masa mjaft jo stabile ajrore po mbretërojnë mbi rajonin tonë për disa ditë me radhe dhe kjo do të vazhdojë edhe më tutje si pasojë e rrymimeve të fuqishme ajrore nga Evropa verilindore.
Në këto çaste kemi një ciklon të dobët mbi gjirin e Gjenovës në Itali kurse cikloni kryesor gjendet thellë në Evropen verilindore. Ky ciklon do të drejtohet direkt në drejtim të rajonit tonë ditëve të ardhshme duke sjell porcione të reja të reshjeve të shiut. Vende-vende do të ketë reshje intensive shiu si dhe rrebeshe lokalisht të fuqishme shiu me vetëtima, bubullimë dhe mundësi edhe për breshër.
Normalisht nuk do të mungojnë as intervalet kohore me diell si dhe disa rajone mund të mbesin pa reshje fare pasi që kemi të bëjmë me reshje tipike verore.
Përmirësim të kushteve sinoptike dhe ngritje të temperaturave mund të presim gjatë mesit të javës së ardhshme./Meteoballkan
