Pranvera meteorologjike përfundon nesër dhe në vend të saj fillon vera meteorologjike apo klimatologjike, kurse vera astronomike fillon me 21 Qershor.
Kjo pranverë ishte më e ftohtë se zakonisht, megjithatë kishte një valë të fuqishme të nxehtësisë afrikane gjatë muajit Maj. Nxehtësi kishte edhe gjatë muajit Prill dhe mars kur të gjithë ishim të karantinuar, por shikuar në përgjithësi pranvera ishte e freskët dhe pak më e vonshme se zakonisht për shkak të depërtimit të disa masave ajrore të ftohta polare të cilat na sollen edhe reshje të dendura bore (1 Prill).
Vera klimatologjike do të fillojë me mot të paqëndrueshëm dhe mjaft e frekët, por duhet theksuar se temperaturat do të shënojnë ngritje shume shpejt gjatë ditëve në vijim (nga 4 Qershori). Pritet edhe përmirësim i motit, megjithatë nuk duhet pritur stabilizim të plotë dhe afatgjatë të motit njëherë për njëherë.
Fundjava e parë e Qershorit do të na sjellë temperatura tropikale rreth 30 gradë Celsius./Meteoballkan
