Siç po shihet edhe në imazhin satelitor vranësira mjaft të dendura kanë mbërthyer Evropën verilindore, lindore dhe pjesë të Evropës qendore dhe juglindore ku gjendemi edhe ne.
Këto vranësira shumë të dendura janë në kuadër të ciklonit të fuqishëm i cili gjendet në Ukrainë dhe rrethinë me qendrën e tij. Ky ciklon vazhdimisht po “rrotullohet” në hapësira të afërta gjeografike duke rigjeneruar edhe vranësirat në mënyrë kontinuele.
Në anën tjetër në Skandinavi kemi një anticiklon shumë të fuqishëm i cili po kushtëzon mot mjaft stabil që nga Skandinavia, Evropa veriperëndimore, perëndimore deri në Gadishullin Iberik ku gjithashtu ka vranësira dhe stuhi verore.
Masa mjaft të nxehta dhe stabile ajrore në kuadër të këtij anticikloni kanë depërtuar në Evropen perëndimore.
Mot i ngjashëm tek ne pritet të mbajë edhe dy tre ditët e ardhshme por me tendencë përmirësimi i cili do të jetë shumë gradual, kurse përmirësim më substancial dhe ngritje të temperaturave pritet të kemi nga 4 Qershori e tujte./Meteoballkan
