Masa mjaft të paqëndrueshme atmosferike po mbizotërojnë për një kohë mjaft të gjatë mbi rajonin tonë duke kushtëzuar mot të freskët dhe me riga apo rrebeshe të shpeshta shiu. Këto masa të freskëta ajrore na vijnë nga Oqeani Atlantik dhe depërtojnë tek ne për shkak të largimit të ndikimit të anticiklonit të Azoreve mbi rajonin tonë. Përderisa ky anticiklon të mos shtrihet në drejtim të Evropës dhe rajonit tonë dhe në këtë mënyrë të krijojë efektin e bllokadës anticiklonike për masat e lagështa ajrore nga Atlantiku do të kemi situatën e ngjashme dhe një gjë e tillë nuk pritet të ndodhë në një të ardhme të afërt.
Sot dhe nesër (e shtunë e diel) përkundër vranësirave nuk priten reshje me disa përjashtime dhe po ashtu priten ngritje të ndjeshme të temperaturave orëve të ardhshme sepse do të shohim shpërbërjen e vranësirave. Nesër na pret mot mjaft i nxehtë dhe me diell, megjithatë pasdite vonë në disa pjesë të Kosovës priten zhvillime të vranësirave të rrebesheve. Reshjet do të përqendrohen kryesisht në veri dhe verilindje dhe pjesërisht edhe në qendër dhe pjesë tjera të Kosovës, por reshjet do të jenë mjaft të lokalizuara, edhe pse në disa zona pritet të jenë mjaft të fuqishme.
Pas ngritjes së temperaturave nesër dhe pasnesër, nga dita e marte temperaturat do të shënojnë përsëri ulje si dhe pritet rikthimi i rrebesheve të fuqishme më përfshirëse të shiut me vetëtima dhe bubullimë për shkak të depërtimit të masave të reja jo stabile ajrore nga Atlantiku./Meteoballkan
