Në shumë rajone të Kosovës sot pasdite priten zhvillime të fuqishme të vranësirave konvektive të cilat do të sjellin rrebeshe lokale shiu me vetëtima dhe bubullimë si dhe mundësi edhe për breshër. Në disa lokacione rrebeshet e shiut mund të jenë mjaft të fuqishme dhe mund të shkaktojnë edhe vërshime afatshkurtra.
Reshjet nuk pritet të jenë gjithëpërfshirëse dhe më shumë gjasa për rrebeshe të fuqishme do të kenë veriperëndimi, veriu, verilindja si dhe disa pjesë të qendrës së Republikës së Kosovës. Më së paku ose hiç fare priten në zonat jugore dhe lindore, edhe pse nuk duhet përjashtuar ndonjë rrebesh të izoluar.
Tutje në Shqipëri dhe Maqedoni sot nuk priten reshje me ndonjë përjashtim shumë të vogël, kurse Mali i Zi do të përfshihet po ashtu nga rrebeshe lokalisht të fuqishme shiu me vetëtima dhe bubullimë./Meteoballkan
