Nesër ne Kosovë paradite pritet të mbajë mot me diell dhe mjaft i nxehtë kurse pasdite në disa rajone pritet shtim i vranësirave kurse në perëndim, veriperëndim dhe verilindje (lokalisht edhe në vise tjera) të vendit priten edhe rrebeshe lokale shiu me vetëtima dhe bubullimë.
Në Shqipëri nesër pritet mot kryesisht i kthjellët dhe mjaft i nxehtë kurse pasdite në ekstremin verior të Shqipërisë priten rrebeshe lokale shiu me vetëtima dhe bubullimë.
Në Maqedoni gjithashtu do të kemi mot kryesisht të kthjellët dhe mjaft të nxehtë ndërsa pasdite mund të ketë shtim të vranësirave me ndonjë rrebesh të izoluar shiu.
Pra, nesër do të kemi depërtimin e një fronti të dobësuar të ftohtë ajror por i cili do të ketë fuqi që të destabilizojë motin posaqërisht në Mal të Zi , disa pjesë të Kosovës dhe në veri të Shqipërisë.
Të dielen menjëherë do të kemi stabilizim të motit si pasojë e rritjes së presionit atmosferik pra e rifuqizimit të anticiklonit të Azoreve i cili do të na garantojë mot stabil dhe me diell edhe disa ditë gjatë javës së ardhshme.
