Rajoni ynë po vazhdon të jetë nën ndikimin e masave të paqëndrueshme ajrore gjatë kësaj vere. Me përjashtim të bregdetit dhe viseve mesdhetare të Shqipërisë ku kemi masat ajrore stabile anticiklonike për një kohë shumë të gjatë. Këto masa ajrore nga Afrika dhe Mesdheu nuk po lejojnë depërtimin e ndonjë mase të lagësht ajrore ose krijimin e ndonjë cikloni atje.
Përndryshe, rajonet tona kontinentale gjatë kësat vere vazhdimisht janë përballur me stuhi lokale shiu dhe sidomos shiu i javës së kaluar ishte shumë i mirëseardhur dhe pothujase gjithëpërfshirës. Përmirësimet e motit janë afatshkurtra.
Mot i paqëndrueshëm do të vazhdojë edhe ditëve të ardhshme. Do të kemi stabilitet afatshkurtër, nxehtësi dhe zagushi, por në viset tona kontinentale përsëri do të kemi krijimin e stuhive lokale apo rrebeshe lokalisht të fuqishme shiu me vetëtima dhe bubullimë. Reshjet nuk pritet të jenë gjithëpërfshirëse por mund të shkaktojë disa probleme në ato rajone ku shiu tashmë është bërë nëse mund të themi i ”tepërt”.
Kjo vlen nga nesër pasdite vonë dhe pastaj gjatë ditëve të vikendit./Meteoballkan
