Edhe nesër rajoni ynë do të vazhdojë të jetë nën ndikimin e masave ajrore të nxehta që vijnë nga Mesdheu dhe mases ajrore të thatë apo anticiklonit me qendër në Evropën Lindore.
Pra nesër në Kosovë, Shqipëri dhe Maqedoni do të mbajë mot kryesisht me diell por edhe me vranësira të herë pas hershme dhe do të jetë mjaft nxehtë.
Mot i ngjashëm do të mbajë edhe të Shtunën, megjithatë në rajon do të depërtojë një front i ftohtë ajror i cili do të kushtëzojë ulje të temperaturave. Fronti i ftohtë do të dobësohet deri sa të arrijë tek ne pasdite apo në mbrëmje megjithatë do të ndjehet sepse do të kemi erëra veriore dhe ulje të temperaturave. Reshje nuk pritet të ketë.
Të dielën pritet të kemi mot më të freskët por do të jetë kryesisht ditë stabile.
Të hënën pritet të kemi mot më të nxehtë fillimisht por pasdite dhe në mbrëmje pritet depërtimi i frontit të fuqishëm të ftohtë ajror i cili do të na sjell vranësira dhe reshje shiu ndërsa në viset malore edhe reshje bore, ulje drastike të temperaturave si dhe erëra mesatare por të ftohta veriore.
Sonte modelet (GFS, ECMWF) për javën e ardhshme kanë përjashtuar mundësinë e krijimit të ciklonit në Detin Jon dhe në këtë mënyrë kanë zvogëluar dukshëm sasinë e reshjeve që është paraparë të kemi gjatë javës së ardhshme, Megjithatë ende asgjë nuk është përfundimtare dhe nesër presim daljet më të reja të ecurive sinoptike. Daljet e nesërme e sidomos pasnesër besojmë se do të jenë vendimtare sa i përket sasisë dhe vendit të distribuimit të reshjeve atmosferike që priten javën tjetër. Deri atëherë bazohuni në parashikimet tona afatshkurtëra.
