Qytetarët e Gjilanit këto ditë janë duke u ballafaquar me problemin e mushkonjave. Dje u ngrit ky shqetësim pas raportimit të shumë qytetarëve. Një qytetar nga një lagje e qytetit të Gjilanit; në kushte anonimiteti na ka dërguar disa fotografi, ku shihet një pjesë e trupit të tij i pickuar nga mushkonjat.
Qytetari është shprehur për redaksinë se vetëm 15 minuta ka qëndruar me shokë para lagjes dhe është pickuar 15 e ndoshta edhe më shumë nga mushkonjat, transmeton “Gjilani sot”.
Në fillim qytetarët filluan të ironizojnë me këtë çështje, por tani po kërkohet ndërhyrja e organeve kompetente pasi çështja po bëhet serioze dhe e bezdisshme.
