Uragani i kategorisë 4 Delta për momentin është duke goditur bregdetin e Meksikës në Gjirin e Meksikës dhe me qendrën e tij ky uragan destruktiv pritet të godas një ndër qytetet më të popullarizuara në botën turistike. Është fjala për qytetin meksikan Kankun.
Në Kankun jetojnë më shumë se 600 000 banorë dhe ky uragan do të ketë impakt direkt mbi qytetin dhe rrethinën e tij duke kushtëzuar erëra shkatërrimtare dhe shira të fuqishëm dhe të rrëmbyeshëm.
Uragani Delta pas goditjes së sotme në Kankun të Meksikës pritet të niset në direkt në drejtim të Shteteve të Bashkuara të Amerikës.
Sezoni i uraganëve sivjet ka “shpenzuar” të gjithë emrat e rezervuar nga meteorologët dhe për këtë arsye uraganët e fundit tani kanë filluar të marrin emra nga alfabeti grek. Alfa, Beta, Gama janë sisteme të cilët tani vetëm se kanë kryer “misionin” e tyre. Tani për momentin kemi aktiv Uraganin Delta dhe priten edhe sisteme tjera që e bënë vitin 2020 unik edhe në këtë aspekt, pra një ndër vitet më aktive të stuhive të fuqishme dhe destkruktive tropikale./Meteoballkan
