Sonte në Kosovë do të mbajë mot i vranët dhe me reshje lokale bore. Reshje pak më intensive priten në jug, lindje dhe disa vise deri në qendër të vendit. Më së paku ose pa reshje fare mund të mbetet veriperëndimi i vendit.
Nesër në Kosovë do të mbajë mot mjaft i ftohtë, me erëra të ftohta veriore dhe verilindore. Në mëngjes mund të ketë reshje kryesisht të dobëta lokale bore, ndërsa gjatë ditës pritet mot i thatë dhe mjaft i ftohtë. Pasdite pritet kthjellim i motit dhe do jetë acar.
Në Shqipëri, Maqedoninë Veriore dhe Mal të Zi nesër pritet mot i ndryshueshëm dhe i ftohtë. Paradite në disa vise në Maqedoni priten reshje bore të cilat do të ndërpriten. Gjatë ditës në tërë rajonin kthjellim gradual i motit, ndërsa nata do të jetë shumë e ftohtë.
Të martën na pret mot me acar në mëngjes, ndërsa gjatë ditës kryesisht i kthjellët, por i ftohtë.
Nga e mërkura do të fillojnë të fryjnë erëra nga jugu dhe juglindja. Do të ketë shtim gradual të vranësirave dhe ngritje të lehta të temperaturave, ndërsa nga e enjta me reshje të herëpashershme shiu dhe bore. Në disa vise në Kosovë priten reshje bore, por me ngritjen e temperaturave dhe për shkak të erërave jugore ato do të shndërrohen në reshje shiu./Meteoballkan