Stuhi të fuqishme shiu me vetëtima dhe bubullimë kanë përfshirë disa pjesë të bregdetit shqiptar më herët, duke shkaktuar edhe përmbytje dhe probleme tjera, ndërkohë që sisteme stuhish ende janë mjaft aktive edhe në këto çaste në bregdetin shqiptar jo shumë larg Tiranës.
Mbi 20 fshatra të Lezhës raportohet se janë pa energji elektrike! Problemet me energjinë në Lezhë vijojnë prej 24 orësh në njësitë administrative Kallmet, Balldren dhe Kolsh.
Në prag të natës së ndërrimit të viteve, moti i ashpër ka shkaktuar avari të shumta dhe nuk dihet nëse do arrihet riparimi i defekteve, ndërkohë që grupet e punës së OSHE-së ndodhen në terren dhe po punojnë për riparimin e defekteve.
