Sot në Kosovë pritet të ketë sërish shtim të vranësirave me reshje lokale shiu. Reshje lokale shiu priten sidomos në jug dhe perëndim të vendit dhe mund të ketë edhe në pjesët qendrore, ndërsa në veri reshjet do të jenë simbolike.
Temperaturat pritet të luhaten nga 7 minimalja deri në 20 ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të ketë shtim të vranësirave dhe rrebeshe lokale shiu sidomos në pjesë të Shqipërisë, Malit të Zi dhe Maqedonisë së Veriut ku vende-vende priten rrebeshe intensive me vetëtima dhe bubullimë, por stuhitë do të jenë më të lokalizuara.
Nga e mërkura pak më ngrohtë dhe më pak reshje. Më shumë rreze diellore, por me erëra të freskëta nga veriu e verilindja. Megjithatë reshjet lokale pritet të kthehen prapë sa më afër fundjavës./MeteoBallkan
