Moti sot është përmirësuar përkohësisht për arsye të anticiklonit të përkohshëm pas reshje të shiut të ditës së kaluar. Për shkak të rrymimeve ajrore nga Mesdheu dhe Afrika Veriore moti është i nxehtë dhe më shumë i përngjanë vjeshtës ose pranverës së hershme se dimrit.
Në këto çaste në Gjirin e Gjenovës në Italinë veriore kemi krijimin e një cikloni të ri i cili nesër do të arrijë tek ne duke sjellë reshje të reja atmosferike. Reshjet do të fillojnë pasdite ose në mbrëmje dhe priten reshje shiu, ndërsa në viset e larta malore reshje bore.
Të enjten gjatë ditës ndërprehen reshjet por prapë vetëm përkohësisht, sepse nga e premta e fundjava priten reshje të reja atmosferike, nganjëherë shi e nganjëherë bore, varësisht nga temperaturat dhe kjo është ende enigmatike sepse e tëra varet nga pozicionimi i saktë e ciklonit mesdhetar. Pozicionimin dhe rrugëtimin e saktë të ciklonit nuk mund ta përcaktojnë modelet nga tani dhe për këtë arsye nuk duhet të spekulojmë.
Një gjë është pothuajse e sigurte se na presin reshje të dendura atmosferike të cilat do të shkaktojnë përmbytje të reja, ndërsa do të kemi edhe reshje mjaft estetike bore në Kosovë, por sa do të zgjasin dhe sa do të qëndrojnë këto reshje bore duhet të presim edhe ndonjë ditë për të qenë më të “mençur”./Meteoballkan
