Sot në Kosovë pritet të mbajë mot me diell dhe shtim të vranësirave. Temperaturat ende do të jenë të larta gjatë ditës, ndërsa pasdite ose në mbrëmje do të fillojnë të depërtojnë masa më të ftohta ajrore duke kushtëzuar ulje të temperaturave. Pasdite priten rrebeshe lokale shiu ku mund të ketë edhe ndonjë bubullimë, ndërsa në mbrëmje reshje shiu përfshijnë veriun e Kosovës.
Temperaturat nga 6 minimalet deri në 24 gradë Celsius ajo maksimale.
Në Shqipëri dhe Maqedoninë Veriore nesër pritet të mbajë mot mjaft i ngrohtë, me diell dhe vranësira lokale. Pasdite në disa pjesë të Maqedonisë së Veriut priten rrebeshe të izoluara shiu me vetëtima dhe bubullimë. Rrebesh shiu mund të ketë edhe në veri të Shqipërisë në thellësi. Në Mal të Zi pasdite dhe në mbrëmje nesër ulje të ndjeshme të temperaturave dhe rrebeshe shiu.
Pra, i ftohti përfshin veriun e Malit të Zi dhe veriun e Kosovës. Gjatë natës edhe pjesë tjera të Kosovës.
Viset tjera ngrohtë deri të enjten.
Të enjten fronti mjaft i fuqishëm i ftohtë ajror me ulje të ndjeshme të temperaturave sjellë reshje shiu e në viset kodrinore-malore reshje shqote e bore. Mund të ndodhë ndonjë fjollë bore edhe në disa vise të Rrafshit të Kosovës. Në mbrëmje kthjellim i pjesshëm i motit dhe temperaturat në disa rajone mund të zbresin deri në 1 apo 0 gradë Celsius mëngjesin e së Premtes. Reshje shiu priten që nga veriu i Kosovës e deri në jug të Shqipërisë, Maqedoninë Veriore dhe Greqi. Nëpër male reshje bore.
Të premten na pret mot paksa i ftohtë, me vranësira e mundësi për intervale kohore me diell dhe reshje të pakta lokale. Në perëndim të Shqipërisë me diell, kurse në jug rrebeshe afatshkurtra shiu. Fundjava vjen me stabilizim gradual të motit. E shtuna me fjolla bore në viset e larta malore, ndërsa të dielën përmirësim i dukshëm i motit./MeteoBallkan/
