Sot në Kosovë do të mbajë mot i ngrohtë për këtë periudhë kohore. Priten rreze diellore, por edhe vranësira lokale më të theksuara në pjesën e parë të ditës. Temperaturat do të shënojnë rritje ku ajo maksimalja pritet të arrijë deri në 15 gradë Celsius në nivel vendi.
Në Shqipëri pritet të mbajë mot me vranësira dhe me diell. Disa vranësira pritet të koncentrohen në veri të vendit, ndërsa në viset tjera kryesisht me diell dhe rritje të temperaturave.
Edhe në Maqedoninë Veriore dhe Mal të Zi pritet të mbajë mot kryesisht stabil, me alternime mes disa vranësirave dhe intervaleve të gjata kohore me diell. Temperaturat do të shënojnë rritje.
Ditëve të ardhshme nuk priten reshje atmosferike. Do të ketë alternime mes vranësirave dhe rrezeve të shumta diellore. Erërat do të jenë të lehta dhe mesatare, në ndonjë rajon mund të jenë pak të fuqishme nga jugu dhe jugperëndimi. Temperaturat do të shënojnë rritje progresive./Meteoballkan
