Shërbimi Amerikan i Motit, Accuweather, më në fund ka lansuar parashikimin për sezonin e dimrit për Evropëm.
Siç mund ta shohim në ilustrimin e mëposhtëm, sipas AccuWeather pjesën tonë të Mesdheut e pret dimër i ngrohtë si edhe pjesën më të madhe të kontinentit, njofton MeteoBallkan.Do të dominojnë rrymat e forta nga Atlantiku, që do ta mbajnë dimrin larg rajonit tonë, thellë në Rusi. Për shkak të veprimit të ciklonit, ishujt britanikë do të ekspozohen ndaj erërave të forta dhe ciklonet e nxehta do të lëvizin përtej Skandinavisë në lindje. Në një situatë të tillë është e qartë se rajonet tona do të jenë në sektorin e ngrohtë të këtyre cikloneve.
Sipas Accuweather mot i thatë dhe dukshëm më i ngrohtë se mesatarja, pritet në Spanjë dhe Portugali gjersa zona e motit të ngrohtë do të shtrihet deri në Ballkan. Një parashikim i tillë i referohet një anti-cikloni të nxehtë të qëndrueshëm që na sjell kushte të ngjashme atmosferike si këto ditë. Një mungesë mujore e reshjeve mund të jetë “themeli” për sezonin e zjarrit vitin e ardhshëm, pasi pritet një periudhë jashtëzakonisht e gjatë e motit të thatë dhe të ngrohtë që do të zgjasë në gadishullin Iberik gjatë gjithë dimrit.
Për shkak të mungesës së ciklonit dhe depërtimit të ajrit të ftohtë, problemet në Ballkan mund të gjenden aty ku ka mungesë të reshjeve. Në të njëjtën kohë, për Alpet Perëndimore, parashihet dëborë jashtëzakonisht e bollshme me potencial të ortekëve.
Sipas AccuWeather ajri i ftohtë do të mbetet larg Rusisë, kështu që nuk pritet të përsëritet depërtimi i ajrit shumë të ftohtë në Perëndim të Evropës, ashtu siç kemi parë dimrin e kaluar. Kulmi i motit të ftohtë në kontinentin lindor pritet në pjesën e dytë të dimrit.
Në fund po e cekim se ky nuk është qëndrim i MeteoBallkan dhe në bazë të lëvizjes së modeleve ne do të dalim me parashikimin tonë.
