Shtetet e Bashkuara të Amerikës janë goditur nga stuhi të fuqishme bore dhe acar esktrem Arktik i ardhur direkt nga rrethi polar. Paradokset e motit po mbisundojnë në Amerikë në këto çaste kur psh. në jug të Alaskës është më ngrohtë se sa në jug të Teksasit ku mbizotëron klima sub-tropikale.
Vala ekstreme e acarit të fortë Arktik nga Kanadaja, përmes pjesëve qendrore të SHBA ka arritur deri në jug të Amerikës dhe deri te Gjiri I Meksikës. Kjo valë e akullt ajrore ka kushëzuar shi të madh të akullt në Teksas dhe normalisht reshje të dendura bore. Mbi 3 milionë njerëz kanë mbetur pa energji elektrike si pasojë e stuhisë së akullit. Vetëm në jug të Floridës nuk kanë arritur temperaturat e akullta.
Në anën tjetër një seri stuhish të fuqishme me tornado kanë goditur juglindjen nga jugu i Floridës deri në Karolinën e veriut duke shkaktuar edhe humbje të jetës së njerëzve. Stuhi të fuqishme bore kanë përfshirë shtetet nga Oklahoma deri në lindje në Nju Jork dhe Boston. Ditëve të ardhshme nga perëndimi i SHBA-ve do të fillojë ngritja graduale e temperaturave, megjithatë situata ende mbetet kaotike./Meteoballkan
