Gjatë natës ose orëve të hershme të mëngjesit në Kosovë pritet të ketë intensifikim të rrebesheve të shiut të cilat vende-vende parashihet të shoqërohen me vetëtima dhe bubullimë.
Nesër në Kosovë pritet të mbajë mot me shumë vranësira, por edhe mundësi për intervale kohore me diell. Vranësirat do të shoqërohen me reshje lokale shiu e nganjëherë lokalisht priten rrebeshe intensive shiu me vetëtima, bubullimë dhe mundësi për breshër.
Temperaturat parashihet të pësojnë ulje dhe minimalja pritet të zbres deri në 10 gradë Celsius, kurse maksimalja deri në 22 gradë Celsius.
Në Shqipëri nesër pritet të mbajë mot me vranësira dhe intervale kohore me diell. Rrebeshe të fuqishme dhe stuhi shiu priten gjatë natës dhe orëve të mëngjesit, por edhe gjatë ditës reshjet dhe rrebeshet lokale të vazhdojnë herë pas here.
Rrebeshe intensive priten edhe në shumë vise të Maqedonisë së Veriut si gjatë natës dhe mëngjesit, po ashtu edhe gjatë ditës së Enjte. Temperaturat do të shënojnë ulje të ndjeshme dhe vende-vende pritet të ketë edhe breshër. Ngjashëm do të jetë edhe në Luginën e Preshevës. dhe Mal të Zi.]
Stuhi të fuqishme shiu e breshëri të Enjten priten edhe në Greqi, Bullgari dhe Rumani.
Të Premten na pret stabilizim i plotë i motit dhe priten vranësira të pakta lokale, por dielli do të jetë dominant. Temperaturat do të shënojnë rritje rapide në Kosovë deri në 27 gradë Celsius afërsisht.
Të shtunën prapër priten stuhi të izoluara orëve të pasdites, përpos veriut të Shqipërisë reshjet priten orëve të mëngjesit./MeteoBallkan
