Sonte gjatë natës do të vazhdojnë erërat dhe ulja e temperaturave si pasojë e depërtimit të ajrit të ftohtë me origjinë polare. Nesër në mëngjes do të jetë mjaft ftohtë me erëra të lehta por të ftohta veriore kurse gjatë ditës do të mbajë mot me diell por i ftohtë. Temperaturat mund të zbresin deri në 0 apo minus 1 gradë celsius kurse gjatë ditës do të kemi stabilizim të motit në tërë rajonin si pasojë e depërtimit të masave ajrore anticiklonike nga Mesdheu.
Të Premtën do të kemi mot kryesisht me diell si dhe do të kemi ngritje të theksuar të temperaturave. Erërat do të fillojnë të fryjnë nga jugu dhe jugperëndimi. Reshje nuk do të ketë. Të Shtunën erërat jugore do të fuqizohen dhe njëkohësisht do të kemi ngritje të temperaturave kurse në veriperëndim të Shqipërisë mund të ketë ndonjë rigë shiu si pasojë e afrimit të ciklonit të fuqishëm me qendër në Italinë Veriore dhe Francën juglindore. Edhe të dielën do të mbajë mot i nxehtë me erëra jugore por pa të reshura. Reshje shiu mund të ketë vetëm në veriperëndim dhe jug të Shqipërisë./Meteoballkan
