Gjatë ditës së djeshme, një ciklon i fuqishëm është zhvendosur nga zona e Danimarkës përmes pjesëve jugore të Balltikut deri në vendet baltike. Ky ciklon ka sjellë shi dhe erëra të forta në rajonet veriore dhe perëndimore të Evropës, ndërsa në gjithë Skandifnavinë po bie borë.
Borë ra dje edhe në Ishujt Britanikë dhe në perëndim të Evropës, një rast i rrallë ky për fundin e tetorit, duke qenë se bora është e rrallë edhe gjatë muajve të dimrit në këto pjesë të Evropës. Në të njëjtën kohë, ciloni tërhoqi një masë shumë të ftohtë Arktike nga Skandinavia dhe veriu nëpër Ishujt Britanikë dhe në Perëndim të Evropës deri në Spanjë dhe Portugali. Në të njëjtën kohë, një ciklon sekondar në Gjirin Genovian u forcua më tej dhe u përhap në Mesdheun perëndimor dhe qendror.
Ky ciklon do të vazhdojë të rritet. Prandaj, cikloni mbi Mesdheun perëndimor dhe qendror do të vazhdojë të çojë në këto zona, por edhe në Itali, në Adriatik, në Alpe, në jug të Francës dhe në lindje dhe në verilindje të Spanjës stuhi të fuqishme me shi dhe erëra të forta.
Erërat e forta dhe të stuhishme pritet të vazhdojnë në të gjithë Evropën qendrore, perëndimore, veriperëndimore Mesdheut qendror dhe perëndimor si dhe në Alpe dhe Detin Baltik. Në Alpe pritet të bjerë deri në gjysmë metër borë, lokalisht edhe mbi 100 cm, dhe në Pirineje dhe në malet e Spanjës deri në 30 cm.
Dëborë pritet të bie edhe në pjesët më të ulëta të Evropës perëndimore dhe veri-perëndimore, dhe temperaturat do të jenë më të ulta për 10 deri në 15 gradë nga mesatarja për këtë kohë të vitit. Gadishulli i Ballkanit dhe rajoni ynë, si dhe Evropa Juglindore, Karpatet, Deti i Zi dhe pjesët lindore të Evropës, do të vazhdojnë të jenë në frontin e ciklonit.
