Nesër në Kosovë do të kemi mot mjaft jostabil dhe me reshje (në rajonet sa më afër kufirit me Shqipërinë dhe Malin e Zi reshjet do të jenë më të mëdha) të herë pas hershme shiu, vende vende ka gjasa të ketë ndonjë rrebesh afatshkurtër me vetëtima dhe bubullimë. Edhe nesër do të kemi erëra mesatare e nganjëherë edhe të fuqishme por asgjë ekstreme.
Në Shqipëri nesër mot me rrebeshe shiu me vetëtima dhe bubullimë. Reshjet më të fuqishme priten në veriperëndim të Shqipërisë dhe kjo është një lajm i mirë sidomos për Shkodrën e cila është pllakosur nga thatësia. Rrebeshe lokalisht të fuqishme priten edhe në jug të vendit.
Në Maqedoni nesër po ashtu mot jostabil dhe me riga lokale shiu në perëndim dhe veriperëndim të vendit. Në pjesët tjera të vendit nuk priten reshje shiu.
Ditëve të ardhshme do të kemi stabilizim të motit dhe do të kemi intervale të shumta kohore me diell. Për ndonjë ndryshim eventual do tju njoftojmë me postimet tona tjera në Meteoballkan./Meteoballkan
