Temperatura esktreme të nxehta kanë pushtuar rajonin tonë dhe kjo valë nxehtësie po vazhdon me intensitet të fuqishëm edhe këto ditë. Të gjithë po e shohim se çka po ndodhë në Turqi pa mar para sysh nëse ato vepra të shëmtuara kriminale mund të jenë sabotazh apo nga shkaqe tjera.
Duke pas para sysh se nxehtësia do të vazhdojë edhe për një javë të paktën e ndoshta edhe më shumë, me ndërprerje afatshkurtra të herëpashershme duhet të kemi kujdes të mos ndezim zjarre në ambiente të hapura ose të jemi jashtëzakonisht kujdesshëm ti shuajmë ato nëse duhet patjetër ti ndezim për çfarëdo lloj nevoje.
MeteoBallkan njofton po ashtu se ditëve të ardhshme do të fuqizohen edhe rrymat ajrore nga jugperëndimi dhe pritet të kemi fuqizim të erërave, prandaj një gabim mund të kushtojë shumë. Kombinimi i thatësisë, nxehtësisë ekstreme dhe erërave të fuqishme nga jugu dhe jugperëndimi mund të jetë një konbinim fatal për zjarre eventuale.
Me këtë shkrim asesi nuk duam të bëjmë senzacion ose dicka të ngjashme, por duke pasur para sysh faktet e lartëcekura duhet të kemi kujdes jashtëzakonisht të madh për ta kaluar sa më lehtë këtë valë shumë të fuqishme të nxehtësisë e cila sa po vjen e po rëndohet duke u ndihmuar edhe nga fenirimi i erërave të nxehta jugore, jugperëndimore dhe perëndimore ditëve të ardshme./Meteoballkan