Edhe dy ose tri ditë do të jemi nën ndikimin e masave të nxehta ajrore me origjinë nga Afrikan Veriore.
Në anën tjetër nga veriu dhe veripeërndimi kemi ardhjen graduale të një fronti të ftohtë ajror i cili pritet të arrijë në Kosovë të mërkurën ose të enjtën. Me afrimin e frontit mbi rajonin tonë rriten temperaturat, ndërsa me ardhjen dhe kalimin e frontit do të kemi ulje të ndjeshme të temperaturave. Vende-vende priten rrebeshe lokale shiu me vetëtima dhe bubullimë dhe erëra të freskëta nga veriu dhe veriperëndimi, por deri atëherë duhet të durojmë ende vapen e fortë afrikane e cila sivjet ka dërmuar rajonin tonë.
Pra, edhe dy ose tri ditë me temperatura të larta verore deri 35 gradë ato maksimalet, ndërsa në ndonjë rajon edhe më nxehtë, pastaj më në fund pritet të pasojë ulja e temperaturave pas një kohe të gjatë nxehtësie të padurueshme. Ulja e temperaturave do të ndjehet në tërë rajonin, por normalisht më së shumti do të ndjehet në Kosovë dhe në përgjithësi në viset kontinentale të rajonit. Pas kalimit të këtij fronti na presin dy të ose tri ditë të freskëta sidomos në viset tona kontientale dhe pastaj prapë rritje të temperaturave por sipas të gjitha gjasave nuk pritet më të kemi nxehtësi esktreme.
Detaje të reja rreth evoluimit të gjendjes sinoptike dhe ardhjes së frontit të mesjavës do të japim sapo të kemi informacionet më të freskëta ngase ndryshime të vogla edne mund të ketë./Meteoballkan
