Një fronti i ftohtë nga veriu dhe veriperëndimi i Evropës pritet të arrijë në Ballkan, por zakonisht siç ka ndodhur shpeshherë gjatë kësaj vere kur frontet e ftohta po arrijnë në territoret tona po dobësohen shumë dhe impakti i tyre nuk po ndjehet shumë. Edhe kësaj radhe kemi dobësim të frontit, por prapëseprapë do ta ndjejmë uljen e temperaturave, erëra të freskëta nga veriu dhe verilindja si dhe vende-vende mund të ketë rrebeshe sporadike shiu. Shumica e territorit prapë do të mbetet pa reshje atmosferike aq shumë të nevojshme.
Edhe sonte na pret natë me temperatura tropike, ndërsa dita e nesërme do të jetë mjaft e nxehtë, me intervale kohore me diell, vranësira dhe erëra të nxehta jugperëndimore. Erërat e nxehta do të kenë efektin Foehn (Fen).
Në mbrëmje fillimsht në veri dhe verilindje të Kosovës, pastaj edhe në vise tjera do të fillojnë të fryjnë erëra fillimisht të forta nga veriu dhe verilidnja dhe kjo do të fillojë të shënojnë uljen e temperaturave. Nuk përjashtohet mundësia e ndonjë rrebeshi të izoluar afatshkurtë, por në përgjithësi nuk duhet pritur reshje atmosferike as kësaj radhe.
Të mërkurën dhe të enjtën pak më freskët dhe rrallëkund me ndonjë rrebesh shiu me vetëtima dhe bubullimë. Temperaturat verore do të rikthehen prapë, por nuk priten ekstreme të mëdha të temperaturave. Netët pritet të jenë më të freskëta dhe më të këndshme për të fjetur.
Në fund të theksojmë se fronti shumë pak do të ndjehet në viset mesdhetare dhe nxehtësia do të vazhdojë atje gati pa ndërprerje, por me dobësim të përkohshëm./Meteoballkan
