Fronti i ftohtë po afrohet dhe erërat janë fuqizuar, ndërsa sonte priten edhe rrebeshe shiu në disa vise. Rrebeshet e shiut do të jenë më të përhapura gjatë ditës së nesërme, ndërsa sonte gjatë mbrëmjes dhe natës rrebeshe të fuqishme priten në veri dhe veriperëndim të Shqipërisë deri në qendër të vendit. Lokalisht rrebeshe sonte priten edhe në Kosovë dhe Maqedoninë Veriore, ndërsa gjatë ditës së nesërme reshje shiu dhe ulje të temperaturave priten në gati krejt territoret tona.
Vende-vende mund të ketë rrebeshe të fuqishme shiu me vetëtima, bubullimë dhe mundësi edhe për breshër afatshkurtër, megjithatë temperaturat nuk pritet të ulen drastikisht. Mes rrebesheve mund të kemi edhe intervale kohore me diell. Gjatë ditës së nesërme rrebeshe priten edhe në viset tjera të Shqipërisë si dhe në shumicën e territorin të Republikës së Kosovës.
Të dielën na pret mot i ndryshueshëm, por relativisht i ngrohtë, me alternime mes vranësirave, intervaleve kohore me diell dhe rrebesheve lokale të shiut me vetëtima dhe bubullimë./Meteoballkan
