Nesër në Kosovë pritet të kemi mot me vranësira dhe intervale të shkurtra kohore me diell në disa rajone. Vende-vende mund të ketë riga të dobëta shiu kryesisht në jug dhe lindje të vendit. Temperaturat maksimale pritet të luhaten nga 19 deri në 22 gradë Celsius.
Në Shqipëri dhe tërë rajonin nesër pritet të mbajë mot me vranësira dhe intervale të shkurtra kohore me diell. Pak më shumë diell pritet në bregdet, por edhe atje pritet të ketë shtim të vranësirave. Riga shiu priten në lindje, juglindje dhe jug të Shqipërisë si dhe në disa vise në Maqedoninë Veriore.
Të enjten apo pasnesër na pret mot kryesisht i vranët dhe me reshje të herëpashershme shiu. Vende-vende priten reshje shiu dhe rrebeshe lokale shiu me vetëtima dhe bubullimë. Rrebeshe të fuqishme priten në disa vise në Shqipëri. Temperaturat përsëri shënojnë ulje.
Nga e premta përmirësim gradual i motit. Rrebeshe lokale priten ende në disa vise të Shqipërisë kryesisht zonat në jug-qendër të vendit.
Për fundjavë na pret mot i thatë, me intervale kohore me diell dhe vranësira si dhe me rritje graduale të temperaturave./Meteoballkan
