Nesër në Kosovë pritet të mbajë mot kryesisht me diell dhe i nxehtë për këtë periudhë kohore, përkundër natës dhe mëngjesit të freskët. Temperaturat maksimale pritet të arrijnë rreth 23-24 gradë Celsius.
Në Shqipëri dhe rajon nesër pritet të mbajë mot me diell dhe vranësira të pakta lokale. Priten të jetë mjaft nxehtë për këtë periudhë kohore.
Edhe të martën na pret mot i nxehtë dhe kryesisht me diell në tërë rajonin. Temperaturat pritet të shënojnë rritje edhe më shumë për shkak të rrezeve diellore dhe rrymimeve ajrore nga jugu.
Nga e mërkura do të fillojë ndryshimi i motit. Pritet të ketë shtim të vranësirave dhe riga lokale shiu. Fillimisht priten riga të dobëta shiu, ndërsa në bregdet rrebeshe lokale me vetëtima dhe bubullimë.
Ditëve të ardhshme ndikimi i masave ajrore ciklonike do të rritet dhe priten reshje shiu në gati krejt rajonin. Vende-vende priten reshje mjaft intensive sidomos në Shqipëri, por duke mos përjashtuar edhe viset tjera.
Informacione më të detajuara për ndryshimin e motit do të keni gjatë javës me evoluimin e gjendjes sinoptike./Meteoballkan
