Siç po shihet edhe në fotografinë satelitore masa mjaft e ftohtë ajrore me origjinë polare nga Evropa verilindore ka arritur deri në Kosovë duke ulur temperaturat në mënyre të ndjeshme dhe dukshëm nën mesatare për muajin Tetor. Në disa vise ka edhe reshje bore, majde në juglindje të Kosovës viset malore janë zbardhur dhe ka edhe shtresa prej disa cm.
Këto masa mjaft të ftohta ajrore kanë ardhur si pasojë e gjendjes sinoptike, ciklonit në Detin Jon dhe Anticiklonit në Rusi dhe Evropë. Cikloni me qendrën e tij po lëvizë në drejtim të Greqisë dhe lagësishta e tij është e pakapshme për krejt territorin e Republikës së Kosovës dhe për këtë arsye më shumë reshje ka në viset jugore dhe lindore ose më konkretisht në viset afër Maqedonisë së Veriut. ndërsa në viset tjera ka më pak e në disa vise ska fare reshje. Reshje të dendura bore ka edhe në malet e Maqedonisë së Veriut në veriperëndim të vendit.
Këto masa të ftohta ajrore nuk do të jenë shumë të qëndrueshme ngase nga fillimi i javës së re mbi territoret tona do të kemi ekspansion të fuqishëm anticiklonik dhe si pasojë do të vije deri te stabilizimi i plotë i motit.
Temperaturat ditore do të fillojnë të rriten ndjeshëm, ndërsa netëve dhe mëngjeseve do të ketë gjasa për mjegull dhe ngrica./Meteoballkan