Nesër në Kosovë na pret mot me vranësira dhe intervale kohore me diell. Më shumë vranësira priten në perëndim dhe veri të vendit, ndërsa më shumë rreze diellore priten në jug dhe lindje të vendit. Do të fillojnë të fryjnë erëra nga jugperëndimi të cilat vende-vende mund të jenë paksa të fuqishme.
Në Shqipëri nesër priten intevale kohore me diell, por edhe shtim i konsiderueshëm i vranësirave. Në disa vise në veriperëndim, veri dhe jug të vendit mund të ketë riga lokale shiu.
Mot me intervale kohore me diell dhe relativisht i ngtohtë nesër pritet në Maqedoninë Veriore dhe Luginën e Preshevës, ndërsa në Mal të Zi priten më shumë vranësira, por edhe intervale kohore me diell.
Mot i këndshëm na pret edhe të premtën me më pak erëra. Priten intervale kohore me diell dhe vranësira të cilat vetëm në disa rajone mund të kushtëzojnë ndonjë rigë afatshkurtër shiu. Temperaturat maksimale nga 20 deri në 22 gradë Celsius.
Të shtunën pritet ndryshim i motit. Pritet shtim i vranësirave të cilat do të kushtëzojnë riga lokale shiu. Priten edhe rrebeshe lokale shiu me vetëtima dhe bubullimë. Temperaturat do të shënojnë ulje, ndërsa borë mund të ketë vetëm në viset më të larta.
Nga e diela më ftohtë, me alternime mes vranësirave dhe intervaleve kohore me diell, por nuk pritet të jetë shumë ftohtë dhe po ashtu pritet përmirësimi i përkohshëm cilësisë së ajrit./Meteoballkan