Sot në Kosovë pritet të kemi shtim të vranësirave të cilat fillimisht në veriperëndim dhe pasdite vonë edhe në viset tjera pritet të kushtëzojnë riga lokale shiu. Në viset më të larta malore mund të ketë fjolla bore.
Në Shqipëri pritet të mbajë mot kryesisht i vranët dhe me reshje lokale shiu. Vende-vende përgjatë bregdetit mund të ketë edhe rrebeshe lokale shiu me vetëtima dhe bubullimë.
Reshje shiu priten edhe në Mal të Zi, ndërsa pasdite vonë riga shiu priten edhe në Maqedoninë Veriore dhe Luginën e Preshevës.
Nesër e martë) na pret mot kryesisht i vranët dhe pak më ftohtë për shkak të uljes së temperaturave. Priten riga lokale shiu, ndërsa në viset malore fjolla të herëpashershme lokale bore.
Të mërkurën dhe të enjtën na pret mot kryesisht i thatë, me alternime mes vranësirave dhe intervaleve kohore me diell. Temperaturat pritet të shënojnë rritje të lehta. Nga e premta përsëri reshje shiu./MeteoBallkan
