Modeli GFS vazhdon të na zhgënjejë me dajlet dhe analizat e saj por çfarë të bëjmë. Ky model tani jep reshje bore kryesisht të dobëta dhe mesatare në Kosovë nga e hëna kurse deri atëherë thatë dhe me ulje të temperaturave dhe me fuqizim të herë pas hershëm të erërave të ftohta veriore.
Pas kësaj periudhe parashihen ngritje të temperaturave por është shumë me rëndësi se do të kemi reshje shiu. Këto reshje shiu do të jenë jashtëzakonisht të rëndësishme duke pasur parasysh thatësinë e madhe që ka mbretëruar në rajonin tonë tre muajt e fundit.
Në anën tjetër modeli më i saktë dhe shumë më stabil në analiza ECMWF diku kah dita e diele parasheh një ciklon në Mesdhe i cili do të rrugëtojë në drejtim të juglindjes.
Reshje të fuqishme bore priten në Greqinë Veriore dhe në ekstremin juglindor të Shqipërisë. Reshje bore priten edhe lindje dhe ndoshta edhe verilindje të Shqipëris dhe në Maqedoni, ndërsa reshjet më të fuqishme parashihen në Bullgari dhe Rumani, kurse si zakonisht reshjet më të dobëta parashihen në Kosovë. Megjithatë edhe kjo nuk duhet të merret si 100 % e sigurtë sepse ndryshime ende do të ketë. Me modelin GFS nuk ia vlen të meremi më. Të shohim sonte çfarë do të na thotë modeli ECMWF në daljen e analizave më të reja nga ky model dhe do tju njoftojmë me kohë.
Me rëndësi është se do të kemi reshje atmosferike nga e diela apo e hëna e tutje dhe do të zbutet thatësia ekstreme. Specifikat tjera do ti mësojmë sonte ose nesër dhe pastaj do të dalim me parashikimin dhe vlerësimin përfundimtar./Meteoballkan
