Nesër në Kosovë pritet të mbajë mot me vranësira dhe intervale kohore me diell. Vende-vende mund të ketë riga të shpërndara shiu dhe reshje afatshkurtra bore në viset malore. Temperaturat pritet të lëvizin nga -2 ajo minimale deri në 12 gradë Celsius ajo maksimale.
Në Shqipëri dhe rajon nesër pritet mot i ngjashëm, me intervale kohore me diell dhe vranësira të cilat rrallë në disa vise mund të kushtëzojnë ndonjë rige afatshkurtër shiu.
Edhe ditëve të ardhshme do të vazhdojë të mbajë mot me alternime mes vranësirave dhe intervaleve kohore me diell. Të mërkurën priten reshje shiu, pak më intensive në Shqipëri, kurse temperaturat pritet të shënojnë rritje. Rritjen e temperaturave do të ndërpresin vetëm nganjëherë frontet e dobëta me reshje kryesisht të dobëta shiu siç pritet të jetë ditën e mërkurë. Nga e enjta më ngrohtë në tërë rajonin./MeteoBallkan
