Nesër në Kosovë pritet të mbajë mot me intervale kohore me diell dhe vranësira të cilat do të vijnë duke u shtuar gjatë ditës. Rrallë në ndonjë rajon mund të ketë ndonjë rigë të dobët shiu. Temperaturat pritet të lëvizin nga 2 ajo minimale deri në 20 gradë Celsius ajo maksimale.
Në Shqipëri nesër pritet të ketë shtim të vranësirave të cilat pritet të kushtëzojnë reshje lokale shiu. Reshjet do të fillojnë në jug për tu zgjeruar në viset tjera gradualisht, por nuk priten reshje të mëdha. Në Maqedoninë Veriore, Mal të Zi dhe Luginën e Preshevës nesër pritet mot i ngrohtë, me intervale kohore me diell dhe shtim të vranësirave. Riga kryesisht të dobëta shiu mund të ketë në perëndim të Maqedonisë së Veriut.
Nga e marta na pret mot me intervale kohore me diell dhe vranësira lokale. Erërat jugore dhe jugperëndimore do të fillojnë të fuqizohen gradualisht. Temperaturat nuk pritet të kenë ndonjë ndryshim të madh. Të mërkurën priten reshje lokale shiu kryesisht në Shqipëri dhe rrallëkund në viset tjera, ndërsa nga e enjta intensifikim i reshjeve në Shqipëri dhe rajon. Priten edhe rrebeshe lokalisht të fuqishme shiu me vetëtima dhe bubullimë./MeteoBallkan
