Nesër në Kosovë pritet të mbajë mot kryesisht me diell dhe i ngrohtë. Priten vranësira të pakta lokale, por pa reshje atmosferike. Do të ketë erëra nganjëherë të freskëta nga verilindja, ndërsa temperatura maksimale pritet rreth 26-27 gradë Celsius.
Në Shqipëri dhe rajon nesër pritet të mbajë mot kryesisht me diell dhe i ngrohtë. Vetëm në jug dhe juglindje të Shqipërisë mund të ketë ndonjë rrebesh të izoluar shiu me vetëtima dhe bubullimë.
Të enjtën na pret mot kryesisht stabil, i ngrohtë dhe me diell. Temperatura pritet të arrijë deri në 30 gradë Celsius.
Të premtën pritet të kemi destabilizim të përkohshëm të atmosferes me rrebeshe lokale shiu me vetëtima dhe bubullimë. Rrebeshe lokale priten kryesisht në Kosovë, veri dhe lindje të Shqipërisë dhe disa rajone të Maqedonisë së Veriut.
Të shtunën stabilizim i motit. Priten intervale kohore me diell dhe vranësira, ndërsa nga e diela na pret mot diell dhe me rritje kontinuele të temperaturave./MeteoBallkan