Edhe një mëngjes mjaft i ftohtë ka nisur për pjesën më të madhe të kontinentit Evropian me temperatura rreth ose nën zero.
Siç mund ta shihni nga harta e mëposhtme, mot shumë i ftohtë po mbtetëron në Suedinë veriore ku temperaturat kanë rënë në -15 ° C në Suedi veriore, ndërkohë që temperatura nën zero po mbretërojnë në pjesën më të madhe të Evropës veriore.
Evropa Qendrore gjithashtu po përballet me temperatura nën zero; Franca madje deri në -5 ° C në pjesën qendrore të saj. Mot i i butë po mbretëron nëpër gadishullin Iberik dhe rajonin e Mesdheut. Shikoni ishullin e Kretës, me temperatura deri në 24 ° C – do të dëshironit të ishit atje tani!
Ndërkohë siç mund ta shihni temperatura minimale mbi vendin tonë këtë mëngjes është 4 gradë celcius, ndërkohë që po mban mot kryesisht me reshje shiu të cilat do të ndërpriten gradualisht gjatë ditës.
