Nesër në Kosovë pritet të mbajë mot kryesisht me diell dhe mjaft i nxehtë. Temperaturat maksimale pritet të lëvizin nga 32 deri në 36 gradë Celsius. Apelohet për kujdes në orët e mesdites për personat e ndjeshëm.
Në Shqipëri, Maqedoninë Veriore, Mal të Zi dhe Luginën e Preshevës nesër pritet të mbajë mot kryesisht me diell dhe mjaft i nxehtë. Temperaturat maksimale pritet të arrijnë deri në 39-40 gradë Celsius në zonat më të nxehta.
Të dielën në Kosovë priten ulje të lehta të temperaturave. Gjatë dites ose pasdite priten zhvillime lokale të vranësirave të cilat vetëm në disa rajone pritet të kushtëzojnë ndonjë rrebeshe të izoluar shiu me vetëtima dhe bubullimë. Shumica e territorit do të mbetet pa reshje dhe kryesisht me diell.
Në Shqipëri të dielën do të vazhdojë vapa e fortë verore me temperatura deri në 40 gradë Celsius në zonat më të nxehta. Pasdite vonë vetëm në disa zona kryesisht malore mund të ketë rrebeshe të izoluara shiu.
Shumë nxehtë pritet edhe në jug të Malit të Zi dhe Maqedoninë Veriore të dielën. Pasdite në disa vise të Maqedonisë priten rrebeshe të izoluara shiu me vetëtima dhe bubullimë.
Nga e hëna priten ulje kryesisht të lehta të temperaturave. Përpos intervaleve kohore me diell, pasditeve priten vranësira dhe rrebeshe lokale shiu me vetëtima dhe bubullimë në tërë rajonin, por reshje do të jenë të lokalizuara dhe të izoluara. Vende-vende mund të ketë ndonjë shtrëngatë afatshkurtër shiu./MeteoBallkan
