Derisa miliona njerëz anembanë Evropës po përballen me valën e të nxehtit rekord, në Afrikë meraklinjtë po skijojnë.
Kjo nuk është edhe një shenjë e ndryshimit klimatik, por më shumë anomali mahnitëse e Lesotos, mbretëri e vogël malore, krejtësisht e rrethuar prej Afrikës Jugore dhe që shquhet në mbarë botën për faktin se çdo pëllëmbë e territorit shtrihet në lartësi mbidetare prej një mijë metrash.
Kjo ia mundëson Lesotos të ketë dëborë.
Megjithëse dimrat e ftohtë nuk janë të pazakonshëm në Afrikë, e pazakonshme është dëbora.
Resorët e skijimit janë edhe më të rrallë. Afriski në Malet Maluti të Lesotos është resori i vetëm që operon në jug të ekuatorit.
Turistët kanë thënë se janë me fat që mund të udhëtojnë nga qytetet e Afrikës Jugore për të bërë qejf në Lesoto, ku po ndjekin kurset e skijimit
