Të dyja modelet më të sakta në botë si “GFS” dhe “ECMWF” kanë analiza pothuajse identike sa i përket reshjeve të borës në javën e ardhshme.
Kjo e rrit dukshëm besueshmërin e parashikimit të motit. Pra natën mes së martës dhe së mërkurës në Kosovë do të fillojnë reshjet e borës, në disa rajone priten reshje të dendura bore sidomos në verilindje të Kosovës, kurse në rajonin e Dukagjinit më pak edhe pse edhe atje priten reshje simbolike bore.
Modeli “ECMWF” është pak më brutal sa iu përket temperaturave, kështu që dita e mërkurë do të jetë një ditë e vërtetë dimërore me zbritje të ndjeshme të temperaturave dhe erëra të ftohta veriore. Gjatë ditës së mërkurë pritet të vazhdojnë reshjet e herëpashershme të borës në shumicën e territorit të Republikës së Kosovës ku pritet të krijohen edhe shtresa sidomos në veri dhe lindje të vendit e ndoshta edhe në pjesët qëndrore.
Sa i përket qëndrueshmërisë së borës mendojmë se bora do të jetë e qëndrueshme kësaj radhe të paktën disa ditë, por kjo varet nga ecuritë e masave ajrore pas reshjeve të borës dhe për këtë do të jemi më të sigurtë ditëve të ardhshme dhe do tju lajmërojmë me kohë.
Në fund vlen të theksohet se modelet nuk parashohin reshje bore (me ndonjë përjashtim) në territorin e Shqipërisë dhe Maqedonisë.
Ishte ky parashikimi më i ri i motit për reshjet e borës në mesjavë bazuar në ecuritë më të reja sinoptike. Meteoballkan
