Parashikimi sezonat i Shtëpisë së madhe meteorologjike amerikane AccuWeather për dimrin 2022/23 parasheh reshje të mëdha shiu e bore në gati të gjitha viset jugore të Evropes duke përfshirë edhe Ballkanin perëndimore.
Reshjet dhe stuhitë e mëdha do të jenë aktive që nga Portugalia e Spanja, pastaj në jug të Francës, Itali dhe Ballkanin perëndimor që ka predispozita që të ketë reshje të dendura të borës për shkak të temperaturave të ulëta që mund të depërtojnë më lehtë në viset tona.
Pjesa jugore e Kontinentit Evropian pritet të ketë reshje të shumta shiu e bore, ndërsa Britania e Madhe pritet të goditet nga valë të të ftohtit polar dhe mund të ketë reshje të shpeshta bore gjatë këtij dimri.
Në rajonin tonë parashihen ciklone të shpeshta sipas AccuWeather të cilat varësisht nga rrymimet ajrore pritet të sjellin reshje shiu ose bore. Nëse rrymimet ajrore do të jenë nga jugu atëherë parashihen më shumë resje shiu, ndërsa nëse rrymimet ajrore do të jenë nga veriu atëherë parashihen reshje bore dhe kjo dë të varet nga gjendja e përgjithshme sinoptike gjatë dimrit, gjegjësisht nga vendi dhe pozicionet e sistemeve të fuqishme ajrore ciklonike e anticiklonike.
Sipas AccuWeather paterni dominant gjatë këtij dimri do të deteminohet nga fenomeni global meteorologjik “La Nina” që ndodhë në Oqeanin Pacifik. Diablanca e temperaturave të ujit në Oqean Paësor do të ndikojë në debalancimin global të sistemeve ajrore.
Thënë më shkurt dhe më qartë: në rajonin tonë sipas AccuWeather parashihet një dimër me të reshura atmosferike të cilat pritet të jenë në formë shiu, por shpeshherë edhe në formë dëbore. Reshjet e borës pritet të jenë më të shpeshta se dy dimrat kaluar. Këto reshje do të vazhdojnë të përmirësojnë gjendjen e thatësisë ekstreme që ka përfshirë rajonin tonë.
Sa iu përket temperaturave AccuWeather nuk parasheh ndonjë ekstrem. Pritet dimër normal me oscilacione të shpeshta të temperaturave si pasojë e masave ajrore (të ngrohta) të vijnë nga Mesdheu me reshje shiu e fronteve të ftohta që vijnë nga Kontinenti (veriu) me reshje bore./MeteoBallkan
