Këto vranësira që shihen në imazhin satelitor (në pjesë të Serbisë, Malit të Zi dhe Bosnjës e Hercegovinës) janë në kuadër të një fronti të dobët të ftohtë ajror i cili po afrohet, por i cili nuk është i pasur me lagështi. Fronti do të kushtëzojë erëra të ftohta nga veriu e verilindja shtim kalimtar të vranësirav gjatë natës dhe aty-këtu mund të ketë ndonjë rigë ose rrebesh afatshkurtër shiu.
Ky front është në kuadër të një mase të ftohtë ajrore që po përfshinë Evropen lindore, ndërsa do të ndikojë në uljen e temperaturave ditore në vendin tonë, megjithatë kjo masë ajrore do të largohet shpejtë për tu zëvendësuar me masa të ngrohta ajrore gjatë vikendit dhe fillimit të javes së re.
Temperaturat gjatë fundjavës (nga e diela) dhe fillimit të javës së re do ti ngjasojnë më shumë stinës së pranverës, ndërsa pritet edhe rritje e temperaturave minimale për shkak të rrymimeve të forta ajrore nga jugu./MeteoBallkan
