Nesër në Kosovë na pret mot pak më i ftohtë dhe me vranësira e riga lokale shiu. Në viset më të larta malore mund të ketë reshje kryesisht të dobëta bore. Temperatura maksimale pritet të arrijë deri në 16 gradë Celsius.
Në Shqipëri nesër pritet përmirësim gradual i motit në bregdet dhe perëndim të vendit. Priten vranësira të cilat do të largohen për ta lëshuar rrugën intervaleve kohore me diell, ndërsa në lindje dhe juglindje pritet mot plotësisht i vranët dhe me reshje lokale shiu.
Reshje shiu nesër priten në tërë territorin e Maqedonisë së Veriut dhe po ashtu edhe në Luginën e Preshevës, me erëra të lehta deri mesatare nga lindja dhe verilindja.
Të hënën na pret mot me intervale kohore me diell dhe vranësira të shpeshta. Rrallëkund mund të ketë riga të dobëta, afatshkurtra shiu. Në viset mesdhetare më shumë diell.
Nga e marta stabilizim i mëtutjeshëm i motit dhe rritje graduale e temperaturave ditore./MeteoBallkan
