Nesër në Kosovë do të mbajë mot kryesisht stabil dhe pak më i nxehtë. Do të ketë edhe intervale të gjata kohore me diell nëse eventualisht nuk do të kemi krijimin e mjegullës apo vranësirave të ulëta. Në lugina do të ketë mjegull vende – vende. Gjatë ditës do të ketë ngritje të temperaturave në vlera normale për këtë periudhë kohore.
Në Shqipëri nesër mot pak më i ndryshueshëm dhe me më shumë vranësira kurse në disa rajone do të ketë edhe reshje kryesisht të dobëta shiu. Temperaturat në atmosferë do të shënojnë ngritje por do të jetë freskët në disa rajone për shkak të vranësirave eventuale.
Në Maqedoni dhe Mal të Zi nesër mot i ngjashëm sikurse sot por me ngritje të temperaturave.
Nga e hëna në tërë rajonin tonë do të vazhdojë të mbajë mot relativisht i nxehtë por me shtim të vranësirave si dhe me intervale kohore me diell. Herë pas here së pari në Shqipëri dhe Mal të Zi, pastaj edhe në Kosovë dhe Maqedoni do të ketë reshje shiu të intensitetit të dobët dhe mesatar./Meteoballkan.
