Erërat verilindore po bartin masat mjaft të ftohta ajrore direkt nga Siberia sonte në drejtim të rajonit tonë dhe për këtë arsye acari pritet të jetë i ftohtë, normal për këtë periudhë kohore. Temperaturat minimale në Kosovë priten afërsisht rreth -10 gradë Celsius, ndërsa në viset malore edhe më ftohtë.
Shumë ftohtë do të jetë sonte edhe në rajon me theks të veçantë në zonat kodrinore-malore ku temperatura më e ulët në veri të Malit të Zi mund të zbresë nën -15 gradë Celsius. Ndjesia subjektive të ftohtit siberik është dhe do të jetë edhe më e lartë për shkak të erërave të akullta verilindore.
Nga e Enjta acari ditor do të zbutet, ngase priten që temperaturat të dalin në “plus”, megjithatë acari i fortë rikthehet orëve të mbrëmjes, natës dhe mëngjesit.
Nga e premta temperaturat ditore arrijnë dhe tejkalojnë mbi 5 gradë Celsius, ndërsa acari i natës vazhdon ende, normalisht duke u “zbutur” gradualisht./MeteoBallkan