Sot në Kosovë do të mbajë mot i thatë, me intervale kohore me diell dhe vranësira kalimtare. Do të fryjë erë mesatare në mëngjes nga veriu dhe veriperëndimi e cila pritet të dobësohet gjatë ditës. Në mbrëmje pritet që në shumë rajone të Kosovës moti të kthjellohet dhe kjo do të thotë se do të ketë acar. Në ato rajone ku mund të ketë vranësira të pjesshme acari do të jetë më i butë. Nëpër lugina gjatë natës së ardhshme mund të vijë deri të krijimi i mjegullës.
Në Shqipëri mot me intervale kohore me diell dhe vranësira kalimtare, do të jetë pak më ftohtë dhe reshje nuk pritet të ketë.
Edhe në Maqedoni dhe Mal të Zi mot kryesisht i kthjellët dhe me vranësira kalimtare. Gjatë mbrëmjes dhe natës pritet ulje e theksuar e temperaturave.
Rajoni ynë sot do të jetë nën ndikimin e masës së fuqishme anticiklonike e cila vjen nga Evropa Qendrore. Edhe të Enjtën dhe të Premtën rajoni ynë do të vazhdojë të jetë nën ndikimin e masave ajrore të thata anticiklonike të cilat do të na garantojnë mot të thatë por pak më të nxehtë.
Nga e Shtuna vijnë reshje të reja atmosferike./Meteoballkan.
